“…të çon në një botë tjetër.”
“…të çon në një botë tjetër.”
Protagonisti i filmit të Uncharted, Tom Holland, ka shprehur opinionin e tij për ecurinë e filmit aksion, duke thënë se: “filmi ka një nga skenaret më të mirë që kam lexuar” dhe se filmi “ofron një histori origjinale”, për personazhin Nathan Drake.
“Mendoj se ajo që Uncharted ofron në krahasim me shumicën e filmave të videolojërave është një histori origjine për lojën.” Është shprehur Holland. “Edhe nëse nuk i keni luajtur lojërat, sërish keni për ta shijuar filmin, sepse është informacion që të gjithë do e marrin në të njejtën kohë. Jam shumë i emocionuar që po e bëj këtë film. Kam pritur prej kaq kohësh.”
“Lexova draftin e ri të skenarit përpara se të vija këtu dhe është një nga skenaret më të mira që kam lexuar ndonjëherë. Realisht të fut në një botë më vete.”
Tom Holland gjithashtu tha se Mark Whalberg, që u përfol në një moment për ta luajtur vetë rolin, ka për të shkëlqyer në rolin e Sully.
Filmi Uncharted i Sony ka filluar punën që në 2008n. Gjithsesi regjizori Travis Knight, u detyrua të tërhiqej për shkak të një konflikti me orarin që Holland kishte në Spider-Man. Është Ruben Fleischer, regjizori i Venom dhe Zombieland, ai që është marrë për ta zëvendësuar.
Sony Pictures së fundmi konfirmoi një tjetër vonesë për filmin live-action të Uncharted. Këtë rradhë data e lançimit është shtyrë për 5 mars 2021, një shtyrje tre mujore për një film që ka qenë në zhvillim… për 12 vite.