Spider-Man: No Way Home përfundoi trilogjinë e parë të filmave të Tom Holland si Peter Parker,por a do të ketë një tjetër? E thënë thjesht, Holland nuk e di.
“E vërteta është, dhe nuk do t’ju pëlqejë e vërteta, nuk e di përgjigjen për këtë pyetje,” tha Holland. kur u pyet se çfarë do të kishte e ardhmja për versionin e tij të Spidey në një intervistë në kanalin zyrtar të Spider-Man në YouTube, së bashku meTobey Maguire dhe Andrew Garfield.
“Ky film për mua ishte po aq i veçantë sa një përvojë mund të ishte ndonjëherë. Të ndash ekranin me këta djem. Të luash Spider-Man mund të jetë një eksperiencë tjetërsuese sepse, ju e dini, ne jemi të tre djemtë që e kemi bërë këtë. Kështu që, për ta ndarë këtë me ju të dy, ka qenë një përvojë kaq e mrekullueshme, nga e cila kam kujtime kaq të mrekullueshme.”
Në fund të vitit të kaluar, të brendshëm të Sony thanë se nuk kishte ndonjë plan zyrtar për një trilogji të re me Holland, megjithëse studioja ka një marrëdhënie të fortë me aktorin dhe shefin e Marvel Studios, Kevin Feige dhe shpreson të vazhdojë bashkëpunimin e tyre.
Ai shtoi: “E di që e dua këtë personazh dhe e di që nuk jam gati të them lamtumirë. Por nëse është koha që unë të them lamtumirë, atëherë do ta bëj këtë me krenari, duke e ditur se kam arritur gjithçka që kam dashur, me këtë personazh dhe ta ndaj me këta djem do të jetë përgjithmonë një nga eksperiencat më të veçanta të karrierës sime. Pra, nëse është koha, është koha, nëse nuk është, nuk është, por për momentin nuk e di. “