Tipari ‘merge’ për account-et në Fortnite shtyhet për vitin e ardhshëm

Cross-platform account merging shtyhet si pasojë e problemeve teknike

Pati disa polemika kur Fortnite u lançua në Nintendo Switch më herët gjatë këtij viti. Lojtarët zbuluan se account-et e tyre ishin bllokuar nga përdorimi në konsolin e Nintendos nëse ishin vënë më parë në përdorim te PS4.

Shumë prej tyre u detyruan të krijonin një profil të ri për të luajtur në Switch. Ishte një rrëmujë e madhe e cila e detyroi Sony të lejonte cross-platform në konsolin e tij.

Epic Games ka premtuar një mënyrë që lojtarët të mund të shkrijnë adresat e tyre, që të mbajnë të gjitha blerjet dhe progreset në një. Ky tipar supozohej të lançohej këtë muaj, por ardhja e tij është shtyrë për vitin e ardhshëm.

Komuniteti i Fortnite nuk duket shumë i mërzitur nga ky lajm. Një lojtar u shpreh se: “Do të preferoja të prisja pak për diçka funksionale, sesa të tregohesha i paduruar për diçka që mund të jetë me probleme kur ta kem.” Ky koment është më i votuari, ndaj ndiejmë një sens të madh mirëkuptimi mes gjithë lojtarëve të Fortnite.