Ndoshta në një moment tensioni e sipër, prej gjendjes që ndodhet momentalisht Fortnite, streameri Tim “TimTheTatman” Betar eleminoi një skuadër të tërë duke përdorur B.R.U.T.E. mech me monitor të fikur.
Teksa po luante me tre streamera të tjerë, ai hipi në një B.R.U.T.E., një nga shtesat më kontradiktore që ka patur ndonjëherë Fortnite. Për të theksuar se sa të fuqishme që janë këto të fundit, ai i dha vetes një sfidë.
“Mund ta shikoni që monitori im është i fikur tani,” tha Tim, duke i treguar shikuesve se realisht e kishte fikur monitorin teksa po luante.
Duke përdorur vetëm orientimin nga shokët e tij të skuadrës, Tim filloi ti afrohej skuadrës që kishte afër. Pa e parë fare se çfarë po bënte ai arriti të shfaroste të gjithë skuadrën përmes raketave që vinin nga .B.R.U.T.E i tij.
Komuniteti i Fortnite dhe Epic Games kanë qenë në konflikt me njëri-tjetrin që me fillimin e Season X, kur erdhën për herë të parë mech. Epic madje ka ngulur këmbë në të qëndruarin e tyre në lojë, duke i përforcuar edhe më shumë gjërat me një deklaratë ku argumentonte se këto mjete ndihmonin në një lojë më të drejtë dhe përmirësonin eksperiencën e lojtarëve.
“Misioni i Fortnite është të sjelli lojtarët së bashku për të kaluar mirë dhe t’i japë të gjithëve një mundësi për të fituar pa dallim aftësie. Për shëmbull, të gjithë duhet të kenë mundësi të kapin vrasjen e parë ose një Victory Royale, si dhe emocionet që vijnë bashkë me këtë moment.
Momentalisht, e dimë shumë mirë që ka lojtarë që ende nuk e kanë pasur këtë mundësi. Një tjetër pjesë e misionit është që Fortnite të dhurojë argëtim dhe spektakël. B.R.U.T.E. u shtuan në lojë në fillimin e Season 10 me këtë qëllim në mendje.
Që prej asaj kohe, kemi parë lojtarë që kanë pasur vështirësi për të kapur vrasje të kapin më shumë, ndërkohë që vrasjet e kapura nga lojtarët më të mirë kanë ngelur njësoj”
Se si do të përfundojë situata mes Epic dhe lojtarëve të Fortnite nuk e dimë, por duket se asnjë nga palët nuk ka ndërmend të heqi dorë nga këndvështrimi i vet.