Tilted Town është bërë leak dhe do të vijë së shpejti në Fortnite

Tilted Towers do të rikthehet… ndryshe

Epic Games ka ndryshuar shumë gjëra në Fortnite Battle Royale sërish pas lançimit të sezonit 10 të lojës duke shtuar shumë veçori të reja në lojë, por një nga destinacionet më popullore të lojës duket se do të ketë një ndryshim drastik.

Ata që panë trailer-in e Battle Pass të Season 10 mund të kenë vënë re se zhvilluesit thanë se çdo ditë do të jetë e ndryshme nga tjetra në sezonin më të fundit të lojës dhe dataminers duket se kanë filluar të punojnë për të zbuluar se çfarë do të thotë Epic Games me këtë gjë.

Tilted Towers ka qënë një prej destinacioneve më popullore në Fortnite, por ndryshimet futuristike që e shndërruan atë në NEO Tilted në sezonin e 9 të lojës duket se e kanë ulur popullaritetin e këtij vendi mes lojtarëve. Megjithatë, duket se dizajni i Tilted mund të ndryshojë tërësisht së shpejti.

Leaker-i FortTory ka kërkuar dhe ka arriturtë gjejë informacion të ri për sa i përket patch-it v10.00 të lojës, i cili u lançua në 1 gusht, dhe duket se ky informacion është padyshim mjaft interesant. Sipas screenshot-eve dhe file-ve audio në llogarinë e tij në Twitter, së shpejti mund të shohim një qytet Western të shfaqet në vend të NEO Tilted dhe file-t e gjetura thonë se emri i tij do të jetë Tilted Town.

Emri duket se gjithashtu mund të tregojë dhe madhësinë e qytetit, pasi më herët ai ishte vendodhja e disa prej ndërtesave më të mëdha në hartën e battle royale.  Duhet thënë se harta e Fortnite ka pësuar shumë ndryshime me ardhjen e Rift Zones dhe rikthimin e Dusty Depot.

Megjithatë, FortTory duket se ka arritur të gjejë dhe një video që tregon se si do të duket Tilted Town kur të vijë në Fortnite Battle Royale dhe padyshim që është shumë ndryshe nga ç’pritej.

Duke parë dizajnet origjinale të ndërtesave, nuk do të ishte dhe aq e çuditshme sikur ndërtesat Western të zëvendësonin të gjitha ndërtesat moderne të NEO Tilted, por duket se nuk do të ndodhë kështu, të paktën në të ardhmen e afërt, sipas kësaj videoje.