TikTok, aplikacioni i kompanisë ByteDance, rezultoi të ishte aplikacioni me fitimet më të mëdha në dhjetor të 2020. Kjo sipas statistikave nga Sensor Tower.
Aplikacioni kinez grumbulloi 3.3 herë më shumë se në dhjetorin e 2019s. Muajin që lamë pas TikTok arriti të fitonte $142 milionë.
Nga këto 86% e të ardhurave erdhën nga Kina. Rajone si SHBA dhe Turqia ishin përgjegjëse për 7% dhe 2% respektivisht të këtyre fitimeve. Sado që TikTok ka patur një muaj mjaft mbreslënëse, ai vazhdon të haset me vështirësi brenda SHBA, për shkak të luftës dhe betejës së vazhdueshme me administratën e Trump.
Përtej TikTok, në vend të dytë me fitime më të larta për dhjetorin e 2020, renditej YouTube. Ky i fundit kishte fituar $95 milionë. Për të qe një rritje me 57% nga viti në vit. Rreth 52% e fitimeve të YouTube erdhën brenda SHBA dhe 13% nga Japonia.
Top pesçja e aplikacioneve me më shumë fitime mbyllej me Tinder, Disney+ dhe Tencent Video.