TikTok ishte aplikacioni më i shkarkuar në tre muajt e parë të 2022, duke arritur të mposht Instagramin në vendin e parë. Brenda viteve të fundit, TikTok është rritur dhe është bërë një nga aplikacionet më të njohura të mediave sociale në botë, duke rivalizuar disa nga gjigantët e industrisë si Instagram.
Aplikacioni lejon klipe të gjata deri në dhjetë minuta, të cilat përdoruesit mund t’i shfletojnë duke përdorur algoritmin For You Page, e cila shpesh mund t’i mbajë njerëzit të fiksuar për orë të tëra.
Dhe duket se kjo rritje e shpejtë nuk po ngadalësohet. Sipas ‘Q1 2022: Store Intelligence Data Digest’ e Sensor Tower, TikTok ishte aplikacioni më i shkarkuar në tre muajt e parë të 2022. Në tremujorin e parë të 2021, TikTok tejkaloi 3.5 miliardë shkarkime të të gjitha kohërave. Raporti gjithashtu pohoi se, “asnjë aplikacion nuk ka pasur më shumë shkarkime se TikTok që nga fillimi i 2018.”
Në tre muajt e parë të vitit 2022, TikTok është shkarkuar mbi 175 milionë herë, duke mposhtur aplikacionet si Instagram, Facebook, WhatsApp dhe Telegram. Për tremujorin e katërt 2021, Instagram kaloi TikTok për sa i përket shkarkimeve, por TikTok tani e ka tejkaluar me një diferencë të madhe.
Ky nuk ishte suksesi i vetëm për ByteDance, kompaninë që zotëron TikTok, në tremujorin e parë të 2022. Aplikacioni tjetër i tyre CapCut, një platformë për modifikimin e videove përmes së cilës shumë veta editojnë videot që vazhdojnë të ngarkojnë në TikTok, kishte “best quarter to date” me mbi 30 milionë shkarkime.
TikTok është bërë aq i popullarizuar sa që ka një efekt të jashtëzakonshëm në drejtimin e shumë platformave të mediave sociale, me Instagram që zbaton veçorinë e vet të stilit TikTok Reels në një përpjekje për të përfituar nga preferenca në rritje për përmbajtjen e klipe në formë të shkurtër.