Threads: Aplikacioni më i ri nga Instagram

Instagram ka lançuar një aplikacion të quajtur Threads, i cili i lejon përdoruesit të komunikojnë me miqtë e tyre më të afërt. Aplikacioni bazohet në mesazhe, media dhe statuse. Nëse e keni idenë e Instagram Direct, Threads do ju duket shumë i ngjashëm, duke qenë se është i bazuar në funksionalitetin e Direct.

Threads nuk është i vetmi app mesazhesh nga Facebook. Në momentin që flasim Facebook ka Messenger, WhatsApp dhe Instagram Direct. Threads, që është praktikisht anëtari më i ri i listës dallon nga të tjerët, sepse fokusohet në popullaritetin e Instagram Direct dhe e kufizon atë vetëm në listën tuaj të Close Friends.

Në momentin e parë që lançoni Threads, ju kërkon që të zgjidhni listën e miqve të afërt. Pasi të sajoni këtë listë, do të shikoni statustin aktiv të çdo kontakti, Story-t e tyre dhe statuse të personalizuara që mund të jenë literalisht çdo gjë. Statuset gjithashtu mund të lihen vetëm për një periudhë të limituar kohore.

Aplikacioni gjithashtu mbështet ‘Auto Status’, që kërkon që aplikacioni të ketë akses të vazhdueshëm në vendndodhjen tuaj. Duke përdorur këtë vendndodhje, aplikacioni e update-on vazhdimisht statusin tuaj për të treguar nëse jeni në shtëpi apo në lëvizje. Pa merak, nuk tregon vendndodhjen tuaj ekzakte, por thjesht jep update të përgjithshme në miqtë tuaj.

Te pjesa e kamerës pastaj, do të keni disa kontakte në fund, te të cilët mund të ndani foto dhe video në mënyrë të shpejtë. Thjesht duhet të shtypni shortcut-in e tyre, siç do të bënit me butonin e kamerës për të bërë një foto tjetër që do të niset automatikisht. Nëse e mbani shtypur butonin dërgoni video, pak a shumë si kamera normale e Instagramit, vetëm se këtu nuk do të keni filtra dhe stickera. Vetëm tekst dhe vizatim mbi foto.

Përsa i përket mesazheve, aplikacioni është njëlloj si Insta Direct, pra do të keni mesazhet, GIF-et etj. Gjithashtu mund të bëni videocalls me kontaktet ose grupet tuaja.

Momentalisht duhet ta pranojmë që aplikacioni nuk bën shumë kuptim. Është një lloj miksimi mes Snapchat, Peach dhe Path. Nëse Instagram nuk do të ekzistonte, Threads ndoshta do të kishte një qëllim. Pra me pak fjalë Threads nuk bën ndonjë gjë shumë të veçantë më mirë se Instagrami, por nëse lista juaje Close Friends është e shumë e rëndësishme për ju, atëherë mund të doni ta shkarkoni.