THQ Nordic ka disa produkte të reja nën mëngë dhe ato janë shumë më shumë nga ç’mendonim. Nga raportet financiare të nxjerra, u zbulua një buxhet masiv për Metro Exodus dhe gjithashtu u mor vesh fakti se nga fundi i marsit kishte 80 lojëra në zhvillim, ku 48 ishin ende të panjoftuara.
Gjatë viteve të fundit, THQ nordic është marrë me shumë zhillues, ndaj nuk është ndonjë surprizë e madhe që ka shumë projekte momentalisht. Gjithsesi 80 është prapë një numër mjaft i lartë. Gjatë vitit të fundit ka shtuar shumë lojëra të reja në koleksionin e tij.
“Gjatë kësaj kohe bëmë kontrata me shumë projekte, ndër to një marrveshje me 4A Games, zhvilluesit e serive të Metro, për një projekt të ri AAA. Në fund të çerekut të parë të vitit, THQ Nordic, Deep Silver dhe Coffe Stain kishin 80 lojëra në zhvillim, nga ku 48 janë ende të panjoftuara”
Raporti financiar gjithashtu zbuloi se Metro Exodus ishte lançimi më i madh që kishte patur ndonjëherë THQ Nordic deri më tani. Edhe Coffe Stain’s Satisfactory, që është në Early Acces në Epic, ka performuar shumë mirë, duke tejkaluar pritshmëritë tona.