THQ Nordic do të njoftojë tre lojëra të reja përpara E3

E3 2019 fillon zyrtarisht javën e ardhshme, por shumë kompani nuk kanë ndërmend të presin deri në fillimin e eventit për të zbuluar lojërat e tyre. Një prej këtyre kompanive është THQ Nordic, që ka shumë lojëra për të treguar në librarinë e tij. Në vend që të merrte një nga skenat e E3 për të dhënë lajmin, THQ Nordic do të tregojë tre nga lojërat e tij të ardhshme këtë javë dhe e para do të zbulohet që sot me 5 qershor.

Adresa e twitter e THQ Nordic postoi për planet e saj para e E3 të martën për të paralajmëruar se çfarë do të vijë këtë javë. Ende nuk e dimë se çfarë lojërash do të jenë, pasi studioja tha se thjesht do ti zbulonte, pa dhënë informacione më të detajuara për to. Do të ketë një zbulim për ditën e mërkurë, enjte dhe të premte.

Spekulimet kanë qarkulluar prej kohësh mbi gjërat që THQ Nordic mund të ketë planifikuar për E3 di edhe një lojë që është e konfirmuar për zbulim. Kompania ka rreth 50 lojëra në zhvillim për momentin dhe ka thënë se do të sjellë njoftime të mëdha për disa lojëra shumë të dashura nga ne. Një lojë e re e Darksiders të paktën është konfirmuar të dalë në eventin Coliseum në E3.

Është vështirë të supozosh se cilat mund të jenë dy lojërat e tjera, por qartazi nuk do të na duhet të presim shumë për ta marrë vesh.