Pas një fundjave plot me comic books për të lexuar, crossoveri Fortnite x Marvel po fillon të manifestohet në lojë përpara lançimit të Season 4. Çekiçi i Thor ka ardhur në hartë, duke e konfirmuar praktikisht se heroi do të vijë në lojë për punë ditësh tashmë. Ai ende nuk bën asgjë, por nëse doni që vetëm ta shikoni për momentin, ja se ku mund të gjeni Mjolnir.
Ju do e gjeni çekiçin në jug-perëndim të Salty Springs, ulur në një krater që do të jetë mëse i dukshëm kur ta shikoni nga battle bus. Siç thamë edhe më sipër ai akoma nuk po bën asgjë dhe nuk ka asnjë mënyrë për të ndërvepruar me të. Qartazi asnjë prej nesh nuk është klasifikuar si me vlerë në sytë e Asgard.
Paraqitja e Mjolnir lidhet me faqet e fundit të shtuara në comic book, tashmë të disponueshme edhe në ekranin e Battle Pass-it. Historia deri më tani vendoste Galactus në kërkim të galaksisë dhe pesë botëve për të pushtuar, gjë që do i japë atij fuqinë që të parandalojë një katastrofë. Thor është bashkuar si korrieri i Galactus, duke evakuar banrët e planetëve që do të shkatërrohen nga Bifrost.
Një nga këto planete sigurisht, është ai ku ndodhet edhe ishulli i Fortnite. Thor zbret në ishull, zihet me ca personazhe të Fortnite, humb kujtesën dhe lë çekiçin pas gjëkundi. Ka gjasa që më shumë faqe të comic-ut të dalin me afrimin e Season 4 dhe edhe harta do të pësojë disa ndryshime.
Fortnite Chapter 2 Season 4 është planifikuar në vijë zyrtarisht në 27 gusht, të paktën për PC dhe konsola. Për në mobile pastaj, Fortnite do të jetë i bllokuar për të marrë updates dhe probabiliteti është që lojtarët e mobile do e humbin sezonin e ri.