Geralt duket më mirë se kurrë
Geralt duket më mirë se kurrë
The Witcher i Netflix u njoftua para dy viteve dhe më në fund jemi afër lançimit të serialit. Xhirimet janë mbyllur dhe premiera do të jetë brenda këtij viti. Më në fund, në një panel të shfaqjes në San Diego Comic-Con, u zbuluar traileri i parë për këtë adaptim të shumëpritur.
Trailer-in e plotë prej 2 minutash, që na jep pamjet e para filmike të botës së The Witcher, mund ta shikoni më poshtë. Seriali është konceptuar nga ish shkrimtarja e Daredevil, Lauren Hissrich. Në një intervistë ku u pyet rreth serialit ajo sqaroi se The Witcher do të ishte për mosha të rritura dhe se nuk do të kishte një antagonist kryesor përgjatë serive.
Vetë trailer-i na prezanton me Witcher-in tonë, Geralt of Rivia, i portretizuar nga aktori fantastik Henry Cavill. Mund të shohim teksa ai lufton me shpata, bën shenjën Aard, na tregon një pamje të syve të tij të verdhë dhe sigurisht.. mund ta shohim edhe teksa heq bluzen.
Trailer-i gjithashtu na prezanton me Yennefer dhe Ciri, duke na lënë të kuptojmë pjesët e rëndësishme që të dyja ato do të luajnë në këtë serial. Yennefe do të marrë një histori të plotë origjine përgjatë episodeve, teksa seriali na kujfton se magjistaret në këtë botë duken të bukura vetëm falë magjisë.
Në Comic-Con kishte një panel të tërë, ku përfshihej edhe pjesëmarrja e Henry Cavill. Nga sa morëm vesh, doli që Cavill ka qenë një fans i madh i lojërave dhe ka telefonuar çdo ditë për të marrë pjesë në audicion, që përpara se seriali të aprovohej. Gjithashtu të gjithë numrat në skena i ka bërë vetë.
Diçka që na ka bërë përhtypjse në opinionin e njerëzve enë internet ka qenë ngjashmëria me Game of Thrones, por arsyeja pse të dyja kanë patur sukses, si në novela, si në lojëra e si në botën kinematografike është fakti që arrijnë të krijojnë një botë fantazie të besueshme për publikun.
Për fatin tonë të keq, në panel nuk u zbulua se kur ekzaktësisht do të ishta data e premierës në Netflix. E dimë që do të jetë brenda vitit, por pas këtij traileri, nuk mund të presim edhe shumë gjatë. Shikojeni atë më poshtë.