The Witcher i Netflix mund të lançohet në 1 nëntor

Nëntori muaji më i bukur :’)

Tashmë e dimë se The Witcher i Netflix do të lançohet përpara fundit të vitit, por duket se më në fund kemi një ide më konkrete se kur do të mund ta shohim Geralt në aksion.

Jo më larg se dje, Giovanni Eūgene Altamarquéz, që punon si producent ekzekutiv në Netflix ndryshoi bion e tij në Twitter dhe Medium. Krahas referencave të punës së tij në Midhunter, 13 Reasons Why dhe Queer Eye, bioja e re gjithashtu tregonte se The Witcher do të vinte nga fundi i tetorit.

Sot në mëngjes, Altamarquéz, filloi një thread për të sqaruar bion e tij. Ai konfirmoi se pjesa më e madhe e xhirimeve të serialit për sezonin e parë kanë mbaruar, por tha se ende po punohet në disa skena të vogla, pasi një personazh “madhor” është zëvendësuar.

Se kush mund të jetë ky personazh, aktori i të cilit është zëvendësuar nuk e dimë për momentin, por Altamarquéz vazhdoi të thonte se nga kjo pikë seriali do futej në fazën e post-production dhe do të mbyllej para 2019s. Ai tha se një datë e mundshme për premierën e episodeve do të jetë e premtja e 1 nëntorit.

Në një panel të shfaqjes në San Diego Comic-Con, u zbuluar traileri i parë për këtë adaptim të shumëpritur. Seriali është konceptuar nga ish shkrimtarja e Daredevil, Lauren Hissrich. Në një intervistë ku u pyet rreth serialit ajo sqaroi se The Witcher do të ishte për mosha të rritura dhe se nuk do të kishte një antagonist kryesor përgjatë serive.

Diçka që na ka bërë përshtypje në opinionin e njerëzve në internet ka qenë ngjashmëria me Game of Thrones, por arsyeja pse të dyja kanë patur sukses, si në novela, si në lojëra e si në botën kinematografike është fakti që arrijnë të krijojnë një botë fantazie të besueshme për publikun.

Le të shpresojë që seritë nuk do të vonohen më shumë se 1 nëntori. Fansat e lojërave mezi po presin.