Raportohet se Thue Ersted Rasmussen, i përzgjedhur më parë për të luajtur rolin e Eskel në sezonin e dytë të The Witcher i është dashur të largohet nga pozicioni i tij. Rasmussen shpjegoi në instagram se kjo ishte për shkak të orarit të ri të xhirimeve që u detyrua të caktohej pas pandemisë së Covid-19.
“Jam i sigurtë që Season 2 do të jetë fantastik dhe tani do të mund ta shoh si një fans, jo më si një Witcher,” shkruajti ai.
Rasmussen është zëvendësuar nga aktori zvicerian, Basil Eidenbenz, që më parë ka punuar në seriale si Victoria dhe X Company. The Witcher i Netflix rifilloi punën me xhirimet në 17 gusht, pasi ju desh të pezullonte aktivitetin në mars prej pandemisë.
Eskel është një tjetër witcher që është stërvitur bashkë me Geralt. Lojtarët e The Witcher 3 mund ta kujtojnë nga ai quest-i ku witchers bëhen tapë dhe veshin fustane.