Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Goxha ambicioze.
Pak më herët këtë javë, fansat e The Witcher u bekuan me disa detaje të reja për serialin e ti të Netflix. U zbulua se The Witcher do të vinte në 20 dhjetor, u publikua një trailer i ri që mund ta shikoni më poshtë dhe më në fund pamë edhe Henry Cavill si Geralt në skenën e vaskës.
Tashmë duket se informacione të reja për The Witcher janë shfaqur, kjo falë një interviste me Lauren Hissrich, rreth ecurisë së deritanishme të serive.
Sipas Hissrich, ajo ka planifikuar shtatë sezone për The Witcher dhe është duke i bërë që tani planet për Sezonin e 2, sado që Netflix ende nuk e ka rinovuar serialin. Gjithsesi, Hissrich theksoi se ishte e rëndësishme të ideonte se ku do të shkonin personazhet.
“Unë i kam parashtruar historitë për shtatë vite,” ka konfirmuar Hissrich. “Tani e gjithë ideja është se si do i sajojmë këto histori që të mbërthejnë publikun vit pas viti.”
“Gjëja më e keqe që mund të bëjmë është që ti vendosim të gjitha energjitë tona në Sezonin e 1 dhe të mos mendojmë se ku do i çojë rruga këta personazhe.” Hissrich sugjeroi se jo të gjithë personazhet do të dilnin të paprekur nga Sezoni 1: “Nuk ju premtoj dot se do të jenë të gjithë të gjallë.”
The Witcher i Netflix do ta ketë premierën në 20 dhjetor. Nëse seriali është i suksesshëm, do të rinovohet për një sezon të dytë. Për shtatë sezone pastaj? Na mbetet të presim dhe të shikojmë.
