Seria e re e Netflix, The Witcher doli në fund të Dhjetorit 2019 dhe prezantoi një audiencë krejt të re në botën e Geralt, Yennefer dhe Ciri. Si rezultat, videoloja The Witcher 3 e 2015, e vendosur në të njëjtin univers me serialin, është bërë edhe një herë një lojë ‘best-selling’.
Më shumë se 1.5 milionë njerëz kanë bërë ‘pre-order’ TW3 kur doli për herë të parë në 2015, dhe ka shitur 40 milionë kopje totale ndërsa konsiderohet gjerësisht (po ashtu dhe nga ne) si një nga lojërat më të mira të dekadës.
Të dhënat se sa mirë po performonte The Witcher 3 pas show-t të Netflix u përpiluan nga trutë e mëdhenj në Thinknum, të cilët zbuluan se shitjet filluan të rriten edhe para se të dilte seria.
“Në Amazon.com, ku gjurmohen vetëm 100 artikujt kryesorë, The Witcher ishte zhdukur nga radhët e shitjeve të faqes midis Gushtit 2017 dhe vjeshtës së kaluar”, tha Thinkum. “Por në Tetor, kur u zbuluan për herë të parë detajet për shfaqjen Netflix, lojërat jo vetëm që u bënë pjesë e top-10 në Amazon, por ato arritën dhe në pozicionin e 4 nga 100 në 9 Tetor 2019.”
Në kohën e shkrimit, loja është ende në lojërat top 100 të Amazon dhe nuk tregon ndonjë shenjë të ngadalësimit së shpejti. Është renditur gjithashtu si një nga lojërat më të njohura në Steam në kohën e shkrimit, që ka kuptim që nga fillimi i The Witcher 3 fillimisht në konsolë, kështu që lojtarët e PC mund të kenë humbur pak nga ekzaltimi i lançimit.
CD Projekt Red, studioja prapa serialit, sigurisht që nuk e ka bezdi vëmendjen shtesë që loja e tyre ka marrë falë shfaqjes. Studioja aktualisht është duke punuar në një tjetër RPG të shumëpritur: Cyberpunk 2077 (lëshimi i të cilit u vonua kohët e fundit deri në vjeshtë të vitit 2019) por kjo nuk do të thotë se ata nuk po mendojnë për lojën tjetër Witcher tashmë.
CD Projekt Red ka thënë se ata planifikojnë të nxjerrin dy projekte të mëdhenj deri në fund të vitit 2021, me Cyberpunk 2077 që do të jetë një prej tyre.
Nuk duhet një shfrenim i imagjinatës për të menduar se zhvilluesi do të dëshironte të përfitonte nga fama që The Witcher ka marrë nga Netflix, për një lojë të re fantastike për fansat që të eksplorojnë, por nëse do të marrim një të tillë së shpejti ose jo, ngelet për tu parë.