Skybound Games, zhvilluesi i ri pas serive Telltale The Walking Dead ka njoftuar datën e lançimit të episodit të tretë të sezonit të tij final. Broken Toys do të publikohet në 15 janar në PS4, Xbox One, Nintendo Switch dhe PC përmes Epic Games Store.
Telltale e krijoi reputacionin përmes suksesit të madh të The Walking Dead dhe më vonë e përdori atë reputacion për të zhvilluar një grup tjetër lojërash si Batman, Borderlands dhe Guardians of the Galaxy. Gjithsesi studioja njoftoi se do të vinte në pritje çdo loje, përfshirë këtu edhe The Walking Dead e cila ishte në mes të sezonit të saj të fundit.
Telltale e tërhoqi lojën nga shitjet dhe më vonë zbuloi se Skybound Games, studioja e themeluar nga ideatori i Walking Dead, Robert Kirkman, do të mbaronte projektin. Gjatë Game Awards Skybound njoftoi se në PC loja do të ishte ekskluzive e Epic Store.
Ky është lajmi i parë që dëgjojmë që nga ajo pikë. Tani kemi një datë ekzakte për atë çfarë dikur dukej si një projekt të cilit i kishte ardhur fundi. Episodi i fundit i quajtur “Take Us Back” nuk ka ende një datë lançimi. Nëse Skybound ruan ritmin e Telltale, ky i fundit do të lançohet pak muaj pas Broken Toys.