Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas CEO-s së Disney
Shërbimi streaming i Disney, Disney Plus, u lëshua për në Amerikë dhe vendet e tjera Nëntorin e kaluar. Së bashku me të pamë një sërë shfaqjesh si “The Mandalorian”, seriali i parë televiziv “Star Wars” që pati një sukses të madh. Sezoni i dytë i shfaqjes tashmë është paralajmëruar të arrijë në vjeshtën e vitit 2020, me xhirimet që kanë filluar. Por si do të dukej sikur The Mandalorian të bëhej një film?
Bob Iger (CEO i Disney) përmes një interviste sugjeroi që disa linja të Disney + mund të vijnë dhe në kinema.
“Unë nuk e shoh vetëm si televizion, e shoh si një zgjatje të Star Wars. Ajo që na ka dhënë Disney Plus është aftësia për ta bërë atë, për t’i sjellë njerëzve Star Wars në mënyra të reja, që nuk janë vetëm të njëjtat pjesë ose të njëjtat personazhe.
Natyrisht që ka shumë të përbashkëta, por ka risi dhe mua më pëlqen kjo.”
Më pas ai thotë se do të ishte e lehtë të merreshin këto histori të serialeve dhe të vazhdohet me një film ose anasjelltas.
“Më pëlqen aftësia për të qenë vërtet i pavarur në atë platformë që krijojmë. Dhe kështu, një seri televizive mund të bëhet një film ose anasjelltas. Unë nuk po bëj njoftime tani, por është e rëndësishme të jesh i pavarur.”
