The Lion King dhe Aladdin do të bëhen remastered

Ky mund të jetë lajmi më i mirë që do dëgjoni sot

Në një konferencë të GameStop që u mbjt mbrëmë, të hapur vetëm për blerësit, u njoftua se lojërat The Lion King dhe Aladdin do të bëhen remastered dhe do të vijnë në Switch, PS4 dhe Xbox One.

Njoftimi i konfirmuar nga Gematsu sugeron se këto ripunime do të vijnë shumë më shpejt nga çfarë mund të mendojmë ne. Supozohet se të dyja lojërat do të vijnë në Australi në pranverë dhe do të përmbajnë rezolucionin origjinal brenda dhe atë 1080p, së bashku me kolonën zanore të Sega Master System.

Në 1993 dy lojëra të Aladdin u lançuan brenda të njejtit muaj. E para ishte e zhvilluar nga Virgin Games për Sega Master System dhe më vonë u importua në kompjuterat NES, Game Boy Color dhe DOS. Tjetra pastaj u zhvillua nga Capcom për SNES e cila më vonë kaloi në GameBoy Advance. Dallimi më i madh mes të dyjave është që në versionin e Virgin, Aladdin ka një shpatë dhe në atë të Capcom jo.

Në fakt Shinji Mikami, dizajneri kryesor i Capcom në lojën Aladdin është shprehur se mendon se versioni tjetër i lojës është më superiori nga të dyja.

“Nëse nuk do e kisha bërë unë lojën, me shumë mundësi do të blija versionin e Genesis. Nga ana e animimit mendoj se është më i mirë dhe ka një shpatë. Unë do të doja që personazhi im të kishte një shpatë.”

Dy vite më vonë pastaj, në 1994 erdhi The Lion King nga Virgin. Loja u pëlqye shumë për grafikat e saj të bukura, por u kritikua shumë nga ana e gameplay-it, mbi të gjitha për pjesën që audienca që i përgjigjej lojës ishte shumë e re.

Të dyja lojërat erdhën në GOG në 2016 së bashku me The Jungle Book, por që nga ajo pikë janë hequr. E njëjta gjë ndodhi edhe në Steam në 2017. Si duket kjo është bërë që të shtrohej rruga për remasters-at.