Sado që për momentin fokusi kryesor i sony është në Death Stranding të Kojima, një ndër ekskluzivet më të pritura të PS4 do të mbetet The Last of Us Part II.
Ka kaluar pak kohë që kur kemi patur ndonjë lajm real rreth lojës që po zhvillohet nga Naughty Dog, por që kjo mund të ndryshojë në muajt e ardhshëm, pasi spekulime të shumta thonë që shkurti i 2020s do të jetë muaji i lançimit të lojës.
Jason Schreier i Kotaku ka sugjeruar se loja u vonua për në shkurt të 2020s, pas një tentative për tu lançuar në nëntor të 2019s. Krahas këtyre, Ashley Johnson, aktorja që luan Ellie përmendi shkurtimisht se loja duhet të lançohet në shkurt, përpara se intervistuesi ta ndërpriste në videon më poshtë.
Sështë nevoja t’ju themi që të mos e merrni si fakt të kryer këtë, por që në momentin që do të kemi një të re konkrete në duart tona, do ju njoftojmë.