A po punojnë zhvilluesit e MMORPG-së The Elder Scrolls Online me një tjetër MMORPG? Kështu sugjeron një njoftim pune.
Zenimax po kërkon për një “Core Tech Programmer” që të punojë në zyrën Hunt Valley, Maryland. Si aftësi kyçe përfshihen :”aftësi të forta programimi për Xbox One, PlayStation 4 dhe PC” si edhe “eksperiencë në zhvillimin e një MMORPG”. Ky projekt sugjeron një lojë të re dhe emocionuese.
Nënkuptohet pra se Zenimax po punon për një MMORPG të re për PC, PS4 dhe Xbox One. Një që nuk është i bazuar në asnjë nga brandet të tipit Fallout ose The Elder Scrolls, por në diçka të re. Nuk ka informacion shtesë për momentin, por spekulimet nuk pushojnë së qarkulluari.