The Elder Scrolls Online do të sjellë një expansion plot ndryshime

Një postim i fundit dha disa detaje rreth një expansion-i të ri në territoret e The Elder Scrolls Online. Ky i fundit duket të sjellë rikthimin e Elsweyr si edhe një klasë të re magjistarësh dhe dragonjsh. Vetë studioja madje ka hedhur të dhëna se çfarë duhet të presim.

Kur marrim parasysh suksesin e madh pas Morrowind dhe Summerset DLC, ndryshimi i skenës së lojës do të ishte i mikpritur. Bashkoji kësaj edhe një leak të mëparshëm që hodhi detaje rreth gjërave që mund të vinin në lojë dhe lojtarët online kanë shumë arsye për t’ju ribashkuar të tjerëve në Tamriel.

Se çfarë do të pëmbajë ekzaktësisht expansioni zyrtar ende nuk e dimë, pasi video-ja e mëposhtme ishte thjesht një teaser, por description-i pasqyron një pamje disi më të qartë për fansat.

“Udhëtoni në tokën e Khajiit në  The Elder Scrolls Online: Elsweyr, kapitulli ynë më i ri në një zonë tërësisht të re. Përballuni me krijesa nga e shkuara dhe zbuloni aftësitë e errëta të personazheve të reja, teksa bashkoni forcat me miqtë të rinj dhe armiq të vjetër për të shpëtuar Elsweyr nga lufta dhe shkatërrimi. ESO arrin nivele të reja të tregimtarisë me një luftë kundra dragonjve që shpalos një klimaks të papritur.”

Zbulimi i plotë do të ndodhë në 15 janar në orën 14:00 PST, përmes një livestream-i që do të mbajë studioja.

Është e mrekullueshme të shohësh se si loja ka evoluar që nga pika e saj fillestare e lançimit. A jeni të emocionuar për të parë se çfarë e ka rradhën në ESO?