The Division 2 i Tom Clancy do të ketë një periudhë kohore falas për lojtarët, midis datave 13 deri në 16 qershor. Kjo u njoftua nga Terry Spier, Drejtori Krijues në Red Storm të Ubisoft, gjatë konferencës së E3.
Ai u ngjit në skenë dhe tha: “Nëse ende nuk e keni patur mundësinë ta luani The Division 2, do të ishim shumë të lumtur ti bashkoheshit komunitetit tonë pasionant, sepse vetëm përgjatë kësaj jave, përmes datave 13-16 qershor loja do të jetë 100% falas për të gjithë.”
Më pas ai vazhdoi të fliste për gjërat e reja që do të vinin në lojë, në formën e tre episodeve të paketuara me misione të reja dhe vendndodhje të tjera për agjentët. Episodi një, dy dhe tre kanë historitë e tyre dhe do ju nisin në vende të reja si Pentagoni dhe ndoshta Coney Island në New York. Gjithsesi nuk do të keni mundësinë të provoni asnjë nga këto gjatë javës falas, pasi do të vijnë në lojë muajin tjetër.
Gjithsesi nëse jeni të interesuar për më shumë detaje, mund të shikoni prezantimin e Division 2 nga Ubisoft më poshtë.