Kjo do të jetë loja më e frikshme në PS5 dhe Xbox Series X / S

Në mesin e shumë njoftimeve në këto ditë të The Game Awards, ishte The Callisto Project, loja debutuese nga zhvilluesi Striking Distance Studios

Duke folur për IGN pas njoftimit, Glen Schofield, CEO i Striking Distance Studios, dhe krijues dhe prodhues i serisë Dead Space, foli për aspiratat e tij për t’u kthyer në lojërat survival të bazuara në hapësirë. “Ne jemi duke u përpjekur t’ju bëjmë të ndiheni vërtet sikur jeni në këtë botë. Edhe pse jeni duke shpëtuar nga ky burg dhe duhet t’i mbijetoni këtyre tmerreve të pamendueshme”, tha ai. “Sa më shumë që jeni të përfshirë, aq më shumë doni të dini në lidhje me atë histori, aq më shumë doni të dini për ato që lë të kuptohet mbi të dhënat e vogla që kemi vendosur përreth. Ju mendoni: ‘Për çfarë dreqin bëhet fjalë? Cili është ky mister?’”

Duke ardhur nga Space Dead, i konsideruar gjerësisht si një nga lojërat më të mirë të survival horror në përgjithësi, shumë zhvillues mund të ndjehen të tronditur. Jo Schofield, i cili po pranon sfidën për të sjellë atë magji të zymtë në pajisjet e gjeneratës aktuale. “Gjithçka që mund të them është… se qëllimi im dhe qëllimi i ekipit është të bëjë lojën më të frikshme në platformat e gjeneratës tjetër” thotë Glen. “Pra, nëse kjo është ajo që ju doni të luani, kjo është ajo që ne po ju sjellim.”

The Callisto Protocol ndan shumë ide konceptuale me Dead Space. Është vendosur në një koloni burgu në hënën Callisto të Jupiterit, dhe trailer zbulues tregon AI rrënqethëse, monsters të çuditshme aliene dhe dikë që në mënyrë ogurzezë sheh një të burgosur të vritet përmes kamerave të sigurisë.

Deri më tani, e vetmja lidhje e qartë e PUBG me këtë lojë (duke qenë se është thënë se kjo lojë është vendosur në universin e PUBG) është se kjo është e gjitha 300 vjet në të ardhmen e ngjarjeve aktuale në lojën Battle Royale. Striking Distance Studios u themelua si pjesë e PUBG Corp vitin e kaluar. Schofield u largua nga EA dhe Visceral Games pas Dead Space dhe punoi në një numër lojërash Call of Duty për Activision, para se tani të kthehej në zhanrin horror.