Thanos LTM në Fortnite bëhet leak përpara Avengers: Endgame

Duket se LTM e Thanos që u shtua vjet në Fortnite rreth kësaj periudhe kohore mund të rikthehet sërish tani përpara premierës së Avengers: Endgame.

Të dhënat vijnë nga Twitter, specifikisht me një string ku lexohej “yielded to the POWER of Thanos”. Nuk është hera e parë që një datamine ka hedhur të dhëna drejt një LTM me Thanos në lojë, por këtë rradhë që filmi është vetëm dy javë larg, duket si koha perfekte.

Pjesën më të madhe të suksesit, Fortnite e pati në 2018 dhe eventi me crossoverin e Thanos, vërtet që la gjurmë në lojë. Nëse nuk keni qenë aktiv rreth asaj kohe, rregullat ishin shumë të thjeshta. Doreza e Thanos bie në hartë dhe kushdo që e kap i pari, bëhet Thanos dhe merr të gjitha fuqitë e tij. Gjithsesi nuk je më në gjendje të ndërtosh ose të përdorësh armët normale të lojës.

Do të ishte vërtet bukur ta shikonim këtë LTM të sillej në Fortnite. Avengers: Endgame vjen në kinema në 26 prill.