Tfue zbulon partnerin e tij për Fortnite Winter Royale

Kur Epic Games njoftoi se do të kishte një turnament të Winter Royale, që i kërkonte lojtarëve të linin pas skuadrat e tyre nga FNCS dhe të zhvendoseshin në një format Duos, shumë prej fansave, ishin duke pyetur veten se kë do të zgjidhte Tfue për këtë event. Kishte madje edhe thashetheme se mund të bashkohej me parterin e tij Cloak, si në kohët e vjetra.

Gjithsesi, pro i Fortnite vendosi ti çudiste pak njerëzit, duke zgjedhur një emër shumë më pak të njohur për të konkuruar. Nëse jeni një nga shikuesit e Tfue, atëherë edhe mund ta keni parashikuar këtë, por për ata që nuk kanë kushtuar shumë vëmendje, ai zbuloi partnerin e tij në Twitter.

Ish antari i FaZe Clan vendosi të bashkohej me Scoped për Winter Royale, i cili kur vjen puna për Fortnite, sado që nuk është një nga emrat më të mëdhenj, ka një rezyme goxha të madhe.

Do të jetë interesante të shohim se si do të performojë ai në një skenë të madhe me gjithë vemendjen që vjen automatikisht nga të qënurit në një dyshe me Tfue. Kjo është një mundësi shumë e mirë për të, që të shpalosë të gjitha talentet, mbi të gjitha për faktin që ai është një lojtar PC me controller.

Së fundmi, lojtarët kanë patur rezervimet e tyre për përdorimin e Controllers në PC, ku shumë prej tyre mendojnë se ato nuk duhet të lejohen. Gjithsesi, për momentin Epic Games ka vendosur ta lejojë këtë.

Winter Royale do të fillojë në datë 20 dhjetor, ndaj së shpejti do të shohim të gjitha dyshet e finalizuara që do të vendosin të marrin pjesë.