Tfue zbulon datën e rikthimit të tij në Twitch dhe Youtube

Tfue do të rikthehet së shpejti

Turner “Tfue” Tenney është një emër shumë popullor në skenën e gaming kompetitiv, i njohur kryesisht si një lojtar profesionist i Fortnite dhe një streamer mjaft i dedikuar. Megjithatë, ai vendosi të bënte një pushim të shkurtër rreth mesit të shtatorit, duke i konfuzuar fansat e tij.

Karriera e Tfue në Twitch është padyshim mbresëlënëse, me plot 7 milionë followers në këtë platformë, duke qënë kanali i dytë më i madh (pas atij të Ninja që tashmë ka kaluar në Mixer).

Edhe pse ai ka një audiencë shumë të madhe, lojtari profesionist i Fortnite lajmëroi në mënyrë të papritur se do të bënte një pushim në 12 shtator, duke thënë se “ndihej në kurth në një hapësirë negative” dhe se “nuk ishte i lumtur“, pavarësisht suksesit të tij.

Tfue ishte relativisht i qetë përsa i përket rikthimit të tij pas lajmërimit se do të bënte një pushim, duke mos i dhënë fansave asnjë ide rreth të ardhmes së tij në streaming. Megjithatë, duket se ai nuk do të mungojë dhe për shumë kohë, sipas një tweet-i vetëm 2 javë pas largimit të tij.

Ditën e djeshme, Tfue zbuloi se ai më në fund do të rikthehet në streaming, duke planifikuar një stream në Twitch dhe në YouTube në 1 tetor për të nisur vjeshtën.

Kjo nuk është e gjitha. Streamer-i e festoi rikthimin e tij tek streaming me 1 video speciale ku ai u hodh nga një urë duke bërtitur “1 tetor!” (fatmirësisht duke u hedhur në ujë).

Nuk ka nevojë të thuhet, por fansat e Tfue padyshim që janë të gëzuar për rikthimin e tij. Lojtari profesionist i Fortnite MoNsTcR gjithashtu e përgëzoi Tfue për “rifillimin e tij të vogël“.

Lajmërimi i Tfue erdhi pak pas dramës së tij të gjatë që përfundoi në gjykatë me FaZe Clan, për të cilët ai pretendonte se i kishin dhënë një kontratë shtypëse, duke prishur marrëdhëniet e tij me pronarin e FaZe Ricky Banks si dhe me personalitete të tjerë.

Kjo, së bashku me ndarjen e tij nga YouTuber-ja Corinna Kopf mund të kenë ndikuar tek Tfue, por padyshim që ai do të rikthehet më fuqishëm se kurrë për më pak se 1 javë.

Vetëm 4 ditë na ndajnë nga rikthimi i Tfue dhe fansat padyshim që po presin me padurim rikthimin më të madh të Tfue ndonjëherë.