Tfue tha një koment racist në Twitch dhe më pas e fshiu

Streamer-i po luante Minecraft në këtë situatë pak të nxehur

Pjesa më e mirë e juaja e njeh Turner ‘Tfue’ Tenney prej përballjes ligjore që kishe me FaZe clan para pak muajsh ose prej shtatë milion ndjekësve që ka në Twitch. Le ta pranojmë pasi Ninja iku nga platforma, ai mbeti streameri më i madh i Fortnite në të.

Njerëzit gjithashtu e njohin edhe prej dy bans që ka marrë nga Twitch. Njëri zgjati 30 ditë dhe ishte në 2018 pasi përdori fjalor racist dhe tjetri ishte kur Epic e pezulloi nga Fortnite për shitje accountesh.

Tenney gjithashtu luan Minecraft në kanalin e tij dhe gjatë stream-it të tij të fundit, mund të themi se është prapë në rrezik të një ban-i tjetër pas përdorimit të fjalorit racist. Në inat e sipër Tfue u shpreh: “You guys fucking killed all the villagers, man. Y’all motherfuckers killed them n*****. You can suck my pee-pee, man.” (Nuk po e përkthejmë këtë fjali pasi të gjithë e kuptojmë kontekstin dhe duam t’ju kursejmë pak cringe-llëk.)

Twitch ka rregullat e tij të etikës për streamerat dhe ato ndjekin pak a shumë formulën e tre shkeljeve, që nëse kalohen do të rezultojnë në një pezullim të papërcaktuar në Twitch. Këtu përfshihet “çdo lloj përmbajtjeje ose aktiviteti që promovon, inkurajon ose shpreh diskriminim, shpifje, objektivizim, ngacmime ose dhunë të bazuar në karakteristikat e mëposhtme.” E para e këtyre karakteristikave është “Raca, etniciteti ose origjina nacionale.”

Gjithsesi vetëm prej përdorimit të një shprehjeje rraciste nuk merret menjëherë një ban. Më parë Ninja ka patur një situatë të ngjashme por ja ka hedhur paq, pasi e ka thënë teksa po bënte rap. Në këtë rast Tfue nuk po bën rap, por duke qenë se e ka fshirë stream-in nga videot në faqen e tij, do të thonim se është i vetëdijshëm për riskun që ka marrë përsipër.