Tfue ka gjetur një mënyrë për të luajtur pa Cloak në Fortnite Trios Finals

Duket se Tfue ka gjetur një mënyrë për të konkuruar në Trios Tournament të Fortnite, pa Cloak, teksa relatat e tyre profesionale përkeqësohen dita ditës.

Nuk është më sekret se Tfue dhe parterët e tij në trio, Cloak dhe 72hrs nuk kanë qenë në gjendjen e tyre më të mirë gjatë ditëve të fundit. Lajmi për zënkën e tyre erdhi para pak ditësh, kur Tfue postoi në Twitter se po kërkonte për një skuadër tjetër.

Pasi lajmi u përhap, shumë njerëz vunë në dukje se nëse do të ndërronte skuadrat mund të përfundonte në skualifikimin e tij për trio playoffs që do të mbahen nga fundi i shtatorit.

Sipas rregullave të kompeticionit, nëse një nga lojtarët e skuadrës largohet, skuadra do të skualifikohet, duke sjellë në rastin tonë të njejtën pasojë për të tre yjet e Fortnite.

Gjithsesi duket se Tfue mund të ketë zbuluar një mënyrë brenda rregullave teknike për të luajtur në turnament pa qenë nevoja për prezencën e Cloak. Kjo falë një paragrafi të fshehur në një cep të rregullores.

Ky sektor i rregullores lexon: “Skuadrat që kualifikohen për Season Finals, mund të shkëmbejnë një lojtar një herë me një tjetër lojtar të një skuadre tjetër që gjithashtu është kualifikuar për Season Finals brenda të njejtit rajon. Ky shkëmbim duhet të ndodhë përpara Group Stage në 17 shtator në 11:00 PM EST. Të gjashtë lojtarët që përfshihen duhet të jenë dakord në mënyrë unanime dhe duhet të bëjnë kërkes në një Event Administrator.”

Gjithsesi ka disa gjëra që nuk shkojnë me këtë plan. Pikë së pari të gjashtë lojtarët duhet të jenë në votë unanime për këtë shkëmbim, pra Cloak dhe 72hrs duhet të jenë dakord me një lojtar të ri që do të vijë në skuadrën e tyre.

Pjesa tjetër qëndron në elementin e kohës. Nëse Tfue vërtet nuk do të luajë më me skuadrën e tij ai duhet të veprojë përpara të martës së 17 shtatorit. Mbetet të shohim pra se cila do të jetë zgjedhja e Tfue.