Kjo është fitorja e tij e parë me skuadrën e re.
Kjo është fitorja e tij e parë me skuadrën e re.
Ish ylli i FaZe Clan, Turner ‘Tfue’ Tenney, ka fituar për herë të parë në Fortnite Battle Royale Champion Series, që pas ndarjes së tij me Cloak me një skuadër krejtësisht të re.
Dikur mendonim se Tfue dhe Cloak ishin dyshja më fantastike që kishim parë ndonjëherë. Të dy kishin konkuruar në FaZe Clan për rreth një vit, duke i dominuar kompeticionet online dhe eventet si TwitchCon 2018.
Gjithsesi pas një ndarjeje publike me Cloak dhe 72hrs, që erdhi si pasojë e të humburit të $140,000 nga një marrëveshje esporti, Tfue vendosi të ndahej nga partneri i tij për të filluar një faqe të re.
Si duket nuk ju desh shumë për ta bërë këtë gjë dhe për të gjetur sukses sërish, pasi treshja e tij e re me Alex ‘Fiber’ Bonetello dhe ‘Khanada’ shkëlqeu në javën e pestë të eventit Fortnite Champion Series Trios.
Fundjava për ta nuk nisi dhe aq fort, pasi ishin në gjendje të luanin vetëm tetë nga nëntë lojëra. Kjo prapë nuk i ndaloi ata që të dilnin në vend të pestë me 131 pikë, vetëm 21 pikë pas vendit të parë dhe me 83 eleminime.
Performanca e skuadrës së tyre ishte pak më e qetë të dielën me 124 pikë dhe 64 eleminime, por patjetër që ishte e mjaftueshme për të siguruar vendin e parë mbi skuadrën e kampionit të botës në Fortnite, Bugha. Tfue i postoi rezultatet në Twitter me ekzaltim të madh.
Ata morën $60,000 për performancën e tyre dhe u kualifikuan për Season Finals, por gjithsesi për Tfue kjo erdhi si fitorja e tij e parë pa parterët e tij të zakonshëm. Ai mund të siguronte fitoren e tij të parë pas shumë javëve mund dhe arriti dy pozicionime Top 10.
Nga ana tjetër Cloak dhe 72hrs patën një fundjavë pak më të vështirë. Ata ja dolën për në finale me Owen ‘Animal’ Wright, por nuk mundën të pozicionoheshin në Top 10. Mbetet të shohin se si do të shkojnë gjërat kur Season Finals të fillojnë javën e ardhshme.