Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pas shumë kohësh streamer-i i famshëm i Fortnite Turner ‘Tfue’ Tenney pati mundësi të përballej me rivalin e tij prej kohësh, Tyler ‘Ninja’ Blevins pasi mundi atë dhe skuadrën e tij në një ndeshje squads.
Tfue dhe Ninja kanë goxha histori pas tyre, duke filluar me betejat që bënin në battle royale mode të H1Z1, përpara se të kalonin në Fortnite. Pavarësisht se ata të dy janë më të mëdhenjtë e komunitetit të Fortnite, nuk shkojnë shumë mirë me njëri-tjetrin, me vetë Tfue që ka thënë se Ninja gjithmonë e ka urryer.
Kjo është arsyeja përse sa herë që kanë mundësi të përballen në Fortnite, të gjithë ngrihen në majë të gishtave për të parë se çfarë do të ndodhë. E njejta situatë ishte edhe gjatë raundit të warm-up në Fortnite Championship Series, kur skuadrat e tyre u vunë kokë më kokë.
Sado që të dyja skuadrat e luajtën shumë mirë lojën, ishte Tfue ai që e vodhi të gjithë vëmendjen me një sniper shot. Teksa skuadra e tij po ecte drejt Fenzy Farm, ai goditi një lojtar që po zvarritej në fushat 78 metra larg.
Teksa skuadra e Tfue po debatonte nëse duhet ta bënin këtë lëvizje apo jo, një nga anëtarët po përsëriste vazhdimisht që ishte Ninja dhe skuadra e tij. Kjo i bëri ata të hidheshin direkt në sulm me shpresën për të eleminuar skuadrën e streamer-it të Mixer.
Kjo sigurisht ishte më e lehtë të thuhej se sa të bëhej, duke marrë në konsideratë që kishte edhe 40 lojtarë të tjerë të mbetur dhe zona po bëhej gjithmonë e më e vogël.
Në fund nuk kishte shumë rëndësi, pasi skuadra e Tfue vazhdoi me planin e tyre , duke e shfarosur skuadrën e Ninja. Teksa zunë ngushtë dy lojtarët e mbetur në një zonë të vogël, Tfue vetë i vuri poshtë me shotgun.
Sado që mund të ketë humbur betejën në pjesën e warmp-ups, situata nuk ishte një lajm fort i keq për Ninja, duke marrë parasysh që skuadra e tij arriti të praktikohej me disa nga lojtarët pro më të mirë në Fortnite.
Edhe ai edhe Tfue do të konkurojnë në Fortnite Championship Series, që do të fillojë zyrtarisht në 1 nëntor.
