Streamer-i i famshëm i Twitch, Turner ‘Tfue‘ Tenney mund të themi se ka marrë një pushim të shkurtër nga platforma gjatë kohëve të fundit. Gjithsesi kjo gjë nuk ka ndikuar aspak në aftësitë fenomenale që ai zotëron në Fortnite Battle Royale.
Lojtari profesionist i Fortnite vendosi se kishte nevojë për një pushim nga të bërit stream, duke zbuluar se kjo po e ndikonte atë emocionalisht në mënyrë negative. Ai nuk ka qenë asnjëherë live në kanalin e tij që nga ajo pikë.
Gjithsesi, me vendimin e tij për të mos bërë stream seancat e lojës së Epic për momentin, shumë fansa janë duke humbur disa nga momentet e tij më të mira, teksa ai vazhdon të luajë larg kamerës.
Siç çdo gamer që luan Fortnite mund ta dijë, ndeshjet fillojnë me lojtarët që zbresin nga Battle Bus në vendndodhjen që kanë përzgjedhur për tu ulur në hartë. Në Season X pastaj, ka një mënyrë për të zbritur më shpejt se të tjerët dhe siç është parë në një klip të 22 shtatorit në Reddit, Tfue e ka përdorur këtë në avantazhin e tij.
Pasi u ul në shpërthimin e madh meteorik që ende ka ngelur pezull në ajër, ai mori një nga armët më bazike që mund të gjenden në chests dhe në vend që të vazhdonte të bënte loot, e ktheu vëmendjen te ata që ende po binin nga qielli. Njërin prej tyre e vuri poshtë teksa po ulej dhe tjetrin e qëlloi nga larg me një shënjestër të përkryer.
Sigurisht që kjo nuk është hera e parë që fansat e tij e kanë parë të bëjë lëvizje të jashtëzakonshme që në fillimin e lojës. Le të mos harrojmë atë herën që i dalloi lamat që nga Spawn Island.
Përsa i përket rikthimit të tij në Twitch, nuk mund të themi ekzaktësisht nëse do të jetë në të ardhmen e afërt apo të largët. Gjithsesi është e sigurtë që nëse vazhdon të luajë kështu, me mijëra njerëz do të jenë gati për ta parë kur të kthehet.