Streamer-i i Fortnite, Turner “Tfue” Tenney është tepër i mirë në lojë, por ndoshta jo aq i mirë sa për të mundur dikë që po bën hile.
Teksa po luante Fortnite në një nga streamet e tij, një lojtar që po përdorte aimbot u përball me Tfue. Ai po ecte në Dusty Depot, kur një lojtar e gjuajti disa herë përpara se ai të kishte mundësi të reagonte. Dy nga katër goditjet ishin headshots dhe ishte pikërisht preçizioni i kundërshtarit të tij në një distancë kaq të madhe, ajo që e bëri të dyshonte.
Tfue më vonë vazhdoi ti bënte spectate lojtarit dhe sekuenca e vazhdueshme e eleminimeve që ai po shkaktonte e bëri të dyshonte se po përdorte aimbot.
“Kjo nuk është controller kjo është aimbot,” tha Tfue në chat-in e tij pasi i njejti lojtar eleminoi një person 73 metra larg me tre headshots rradhazi. Lojtari me aimbot vazhdoi të eleminonte tre veta të tjerë me të njejtin preçizion në headshots, duke e bërë Tfue të thoshte se ishte thjesht dikush që po përdorte aim assist në controller.
Gjithsesi siç e vërejti dhe Tfue, sjellia e këtij lojtari nuk ishte ajo e dikujt që po përdorte aim assist. Në këtë rast lojtari thjesht po qëllonte, një sjellje tipike kjo e përdorimit të aimbot.
Tfue nuk arriti dot ta identifikonte lojtarin. Si duket ky ishte rasti i dikujt që thjesht po testonte një aimbot në një account kot, pasi lojtari nuk kishte veshur asnjë skin dhe nuk po përdorte emotes. Ndeshja gjithashtu ishte thjesht Solo play, ndaj lojtari që po bënte hile nuk kishte si qëllim të arrinte ndonjë gjë në atë kohë.
Sidoqoftë, për fatin e tij të keq ai u kap live në kamer nga streameri më i madh i Fortnite në Twitch dhe nëse ky person kishte ndërmend të bënte hile pa u vënë re, ky ishte një fillim tepër i keq.