Tfue duket se ka paditur në gjykatë FaZe Clan mbi fitimet e tij

Raportohet se FaZe mban rreth 80% të fitimeve të Tfue

Një prej streamer-ave më popullorë të Fortnite Battle Royale në botë duket se ka paditur në gjykatë organizatën e esport të cilën ai ka përfaqësuar që prej prillit të 2018. Turner “Tfue” Tenney po hedh në gjyq FaZe Clan, sipas The Hollywood Reporter.

FaZe duket se “ka ndaluar Tfue të shfrytëzojë mundësitë e tij, duke mbajtu 80% të fitimeve“. Tfue ka mbi 10.7 milionë subscribers në Youtube dhe mbi 36,000 subscribers në Twitch. Nëse ai mban për vete vetëm 20% të fitimeve nga videot reklamuese në rrjetet sociale, kjo kontratë e ndalon atë nga një shumë shumë e madhe parash.

Raporti jep të tjera informacione tronditëse mbi FaZe Clan. Avokati Bryan Freedman tha se FaZe “i shtyn dhe i bën presion Tfue dhe të tjerëve për të bërë gjëra të rrezikshme“. Madje, sipas avokatit, Tfue ka pasur dhe një dëmtim në krah i cili rezultoi në shpërfytyrim të përhershëm.

Pas publikimit të këtij raporti, FaZe i është përgjigjur këtyre akuzave, duke hedhur poshtë gjithçka. Ata mohuan se kishin marrë fitimet e tournament-eve, fitimet nga Twitch dhe Youtube dhe fitime nga çdo platformë sociale. FaZe tha se ata kanë mbledhur vetëm $60,000 nga bashkëpunimi, duke thënë se asnjë lloj fitimi nga tournament-et dhe përmbajtja e Tfue nuk është marrë.

Padia në gjykatë nuk i jep shumë rëndësisë parave të fituara nga çmimet ose fitimet direkte nga Twitch dhe rrjetet sociale. Ajo fokusohet në deklaratat se kontrata e Tfue me FaZe e lejon kompaninë të marrë deri në 80% të fitimeve nga sponsorat.

Padia specifikon rastin kur FaZe ka ndaluar Tfue të marrë si sponsor kompaninë HyperX, e cila është konkurrente direkte me sponsorin e FaZe SteelSeries. Ndalimi i sponsorizimit nga produkte duket i çuditshëm duke parë se FaZe i lejon lojtarët e tyre të CS:GO të përdorin çfarëdolloj pajisjeje pavarësisht nga firma e tyre.

Disa orë pasi publikuan përgjigjen e tyre të parë ndaj akuzave, FaZe Clan ka publikuar një tjetër deklaratë në lidhje me padinë e Tfue ndaj organizatës.

Që nga vera e kaluar, sipas FaZe Clan, organizata merr maksimalisht 20% nga çdo marrëveshje, ndërsa 80% e fitimeve i shkon lojtarit. FaZe Clan gjithashtu tha se ata kanë punuar me Tfue për të nënshkruar një kontratë më të mirë për të që prej shtatorit, por 21 vjeçari i ka refuzuar dhe injoruar të gjitha ofertat e tyre. Disa prej ofertave të tyra kishin në to bonuse prej miliona dollarësh dhe disa kishin një klauzolë që e ndalonin FaZe Clan të merrnin çfarëdolloj fitimi nga Tfue.

Kjo është gjithçka që dihet deri më tani, por na ndiqni ndërsa publikohen zhvillime të reja.