Në website-in e Tesla dhe Twitter Elon Musk tha se po mban premtimin e pranimit të pagesave me Bitcoin.
Elon Musk tha se do të shtojë pagesën me kripto monedha edhe jashtë SH.B.A. brënda këtij viti.
Në tweet Musk tha:
Pagesat me Bitcoin do të ngelin si Bitcoin, nuk do të kthehen në monedha reale. Ai vuri në dukje se kompania përdor software të brendshëm, me burim të hapur që operon direkt me nyjet e Bitcoin. Ai shtoi se “pagesa me Bitcoin do të jetë në dispozicion jashtë SH.B.A. më vonë këtë vit.”
Sipas një support page, ju do të paguani me Bitcoin nga portofoli juaj, duke skanuar kodin QR ose duke kopjuar dhe ngjitur adresën e Bitcoin dhe sasinë e saktë të Bitcoin në portofolin tuaj.
Tesla kërkon që ju të dërgoni shumën e saktë të Bitcoin në një pagesë të vetme, ose porosia juaj mund të anulohet. Konfirmimi do të bëhet me email brenda gjashtë orësh, prandaj mos u përpiqni ta ridërgoni, edhe nëse faqja nuk rifreskohet. Tesla pranon vetëm Bitcoin dhe asnjë kripto monedhë tjetër.
Tesla bëri një hyrje të madhe në Bitcoin muajin e kaluar duke blerë 1.5 miliard dollarë Bitcoin për të “diversifikuar dhe maksimizuar” investimet e saj.Duke pasur parasysh paqëndrueshmërinë e çmimeve të Bitcoin dhe faktin se shuma përfaqësonte një pjesë të konsiderueshme të parave të gatshme të Tesla, ky vendim i surprizoi të gjithë. Kompania gjithashtu paralajmëroi investitorët për “sulme të dëmshme” të mundshme dhe “vjetërsim teknologjik”, probleme që nuk ekzistojnë me monedhat reale.
Çmimi i një Bitcoin tani është 55,880 $ (që nga 24 Mars 2021 në 4:16 AM ET). Tesla nuk konfirmoi kurrë atë që pagoi por çmimi ishte me gjasë midis $30,000 dhe $35,000.