Tesla së fundmi njoftoi se do të pranojë Bitcoins si pagesë për modelet e saj elektrike, duke i dhënë një shtysë tjetër për të konsideruar kriptovalutat si monedhë. Por tani Tesla po tërheq vendimin e saj dhe po ndalon tregtinë me Bitcoin, duke përmendur ndikimin mjedisor që kanë kriptovalutat.
Tesla & Bitcoin pic.twitter.com/YSswJmVZhP
— Elon Musk (@elonmusk) May 12, 2021
Sipas një postimi në Twitter nga Elon Musk, Tesla është e shqetësuar në lidhje me përdorimin në rritje të karburanteve fosile për miniera dhe transaksione me Bitcoin. Në të njëjtën kohë, ai beson se kriptovalutat janë një ide e mirë në shumë nivele dhe po kërkon kriptomonedha të tjera që përdorin më pak se 1% të energjisë për transaksion që ka Bitcoin.
Njoftimi i bërë nga Tesla uli çmimin e Bitcoin nën 53,000 dollarë në 15 minuta, ndërsa ishte në 54,800 dollarë. Në të njëjtën kohë, vlera e Ethereum-it më miqësor ndaj mjedisit u rrit me 200 dollarë brenda një ore. Në një sondazh në shkurt tregoi se minierat Bitcoin konsumojnë më shumë energji sesa Argjentina, me mbi 120Twh në vit.