Season 5 i Fortnite vazhdon të prezantojë personazhe të reja në lojë. Më parë pamë armikun e Arnold Schwarzenegger, Predator t’i bashkohej lojës. Tashmë mund të merrni skinin e Terminator në Fortnite item shop.
Skini i T-800 vjen me të gjitha veçoritë tipike që mund të prisni prej tij. Sytë e kuq vezullues, një kafkë metalike dhe trupi i tij metalik. Fatkeqësisht nuk do të shohim një variant të skinit që e bën Terminator të duket si vetë Schwarzenegger.
T-800 i bashkohet edhe Sarah Connor, skini i të cilës i përngjan aktores Linda Hamilton. Ajo vjen me një tjetër veshje alternative.
Ju mund të merrni të dyja skinet në një paketë për 2,800 V-Bucks, ose mund të merrni vetëm Sarah Connor për 1,800 V-Bucks dhe Terminator për 1,500 V-Bucks.
Mund të themi se cosmetic më i mirë që del prej gjithë kësaj është Cyberdyne Salute emote, që e bën personazhin të japë shenjën e ‘okay’ me gishta, teksa dora e tij është në flakë.