Filmat e Terminator nuk kanë për të vdekur kurrë. Pavarësisht zhgënjimit të pësuar me filmin e 2015s, Terminator Genisys, seritë do të vazhdojnë këtë vit me: Terminator: Dark Fate. Filmi do të jetë nën drejtimin e Tim Miller (ktë të fundit e mbani mend nga Deadpool) dhe do të vijë në nëntor. Gjithashtu janë publikuar disa imazhe për filmin që mund ti gjeni më poshtë.
Fotot tregojnë anëtarët kryesorë të kastit. Kemi disa nga aktorët origjinalë si: Linda Hamilton në rolin e Sarah Connor dhe Arnold Schwarzenegger si T-800, kurse ndër aktorët e rinj mund të përmendim Mackenzie Davis, Gabriel Luna, Diego Boneta, dhe ylli Kolumbian Natalia Reyes në paraqitjen e parë të sajën në Hollywood.
Një tjetër emër i dëgjuar që vjen për Terminator: Dark Fate është James Cameron, njeriu që e bëri të mundur gjithçka që në fillim. Filmi mendohet të jetë vazhdim i drejtpërdrejtë i Terminator 2 të 1991 dhe do ti injorojë të tre filmat që janë ndërmjet.
Nuk ka më shumë informacione për momentin, por me një trinom të tillë si Arndold, Linda dhe James, besojmë se do të dali super.
