Rainbow Six Siege do të vijë edhe në Kinë së shpejti
Rainbow Six Siege do të vijë edhe në Kinë së shpejti
Tencent dhe Ubisoft po punojnë së bashku për të sjellë lojën popullore FPS Rainbow Six Siege në Kinë. Rainbow Six Siege nuk përshtatet me rregullat dhe standartet e vendosura për në Kinë, për shkak të ligjeve SAPP. Ky zhvillim i ri do të thotë se loja do të vijë në Kinë në të ardhmen.
Kina ndaloi kufomat virtuale dhe gjakun përpara pak kohësh, gjë që e ndaloi luajtjen e disa lojërave në këtë vend. Më përpara, lojërat mund ta kalonin këtë rregull duke e kthyer ngjyrën e gjakut në të zezë për shëmbull, por rregullat e reja i ndalojnë tërësisht këtë detaje. Siege është një nga lojërat që u prek nga ky ndryshim.
Kishte një update në mënyrën se si Siege i trajtonte këto situata, duke hequr gjakun nga muret, duke ndryshuar ikonën për melee dhe duke hequr dritat neon që forminin siluetën e një kërcimtareje. Ekipi i zhvilluesëve morri kritika të shumta nga komuniteti dhe më pas postoi një tjetër update që do t’i kthente mbrapsht këto ndryshime. Kritikat kryesisht kishin të bënin me fakti që loja po ndryshonte për t’u përshtatur me rregullat në Kinë, por kjo nuk u konfirmua kurrë.
Duke qënë se Siege nuk ka ndryshuar mënyrën si trajton kufomat, loja nuk mund të shitet në Kinë, por ky zhvillim me ndihmën e publikuesit Tencent tregon se Ubisoft ka diçka në plan për ta zgjidhur këtë problem. Tani, ata po presin aprovimin e qeverisë kineze dhe më pas do të vazhdojnë punën në projekt.
Tencent është gjithashtu kompania që ndihmoi PUBG të lançohej në Kinë, gjë që do të thotë se ata kanë eksperiencë në përshtatjen e FPS në Kinë. Ka mundësi që Ubisoft të shënjestrojë Kinën, duke qënë se ka shumë lojtarë dhe një industri në rritje të esports.
E vetmja gjë që mbetet të shohim është nëse Tencent dhe Ubisoft do të aprovohen për ta sjellë Rainbow Six Siege në Kinë.