Tencent është kompania më e madhe në botë për gaming, padyshim ndër organizatoret më të mëdha të medias sociale, si edhe zotëruesja e shumë nën kompanive si Epic Games, Riot Games, Supercell etj.
Kryesisht emri i saj shoqërohet me lojëra Kineze, por në fakt jo të gjithë janë në dijeni se disa lojëra si Fortnite dhe League of Legends i kanë shumicën e aksioneve të mbajtura nga Tencent. Dukshëm pra kemi të bëjmë me një gjigand në gaming, por si e shpjegon kjo profilin e ulur që ka patur kompania.
Kjo sepse kompania e ka fokusuar aktivitetin e saj në vendet Aziatike, me gamën e lojërave, që andej janë tepër të preferuara, por për botën perëndimore jo.
Gjithsesi duket se gjërat do të marrin një kthesë pasi Tencent do ti zgjerojë kufinjtë e aktivitetit përtej kufirit Aziatik. Vetëm se kompania zotëron një pjesë të Epic Games, nuk do të thotë që ajo nuk mund të ofrojë një dyqan internacional të sajin.
Gjigandi ka lançuar një shërbim WeGame X që është i aksesueshëm në mbarë botën, përfshirë këtu edhe në gjuhën angleze. Do iu duket mjaft i njohur nëse keni përdorur ndonjëherë Epic Games Store ose shërbime të tjera të ngjashme me Steam.
Duhet të marrim parasysh që nuk është se ky dyqan do të arrijë të jetë në nivelet e Epic menjëherë , pasi qëllimi kryesor i kompanisë në këtë rast është plani afatgjatë i saj. Pjesa interesante është ndërthurja e preferencave të tregut perëndimor me atë lindor. Do të jetë një proces i gjatë, por nëse rezulton i suksesshëm do të shtojë shumë larmi dhe diversitet në librarinë e lojërave.
WeGame X është momentalisht e konsideruar si një shërbim Early Acces dhe kjo gjë duket. Ka vetëm 17 lojëra prezente për momentin, shumica prej tyre indie dhe pjesa tjetër, jo e njohur për gamerat që nuk janë kinezë. Sidoqoftë koha do i tregojë të gjitha.