Teaser-i i 3 i Fortnite zbulon një skin të ri dhe një mik të vjetër

A ju kishte marrë malli për Drift skin?

Epic ka vazhduar me valën e tij të postimeve me të dhënat për sezonin e 10 të Fortnite, që në një farë mënyre akoma nuk na kanë ofruar një ide të qartë se çfarë duhet të presim në tematikën e Season 10 ose Season X, siç preferon Epic që ta quajë.

Në fillim Epic postoi diçka që lidhej me Dusty Depot, një vendndodhje e vjetër e Fortnite që nuk e kemi parë prej gjashtë sezonesh tashmë. Kjo i bëri fansat të mendojnë se do të ktheheshin pas në kohë në një version të vjetër të hartës, mbi të gjitha prej shkrimit “Think Back” që Epic kishte lënë nën postim.

Ditën e nesërme, më saktë dje, u postua teaser-i i dytë dhe ishte diçka që nuk e priste kush. Shkrimi i Epic lexonte “Look Forward” dhe tregonte në të një robot. Ky i fundit mendohet të jetë një makineri që do të prezantohet në Season 10, pasi për të qenë një skin është vërtet shumë i madh.

Për të ardhur më tej në ditën e sotme, ku teaser-i lexon “Twist Time” dhe tregon në të një tjetër prezencë të së shkuarës në Fortnite. Pikërisht këu Drift skin nga Season 5. Ndoshta do të kemi të bëjmë me një version pak më ndryshe të këtij skini. Skini tjetër pastaj është pastaj është padyshim një skin i battle pass-it të Sezonit të 10.

Nuk jemi të sigurtë nëse një version i Drift do të përfundojë në battle pass, por duke gjykuar që në sezonin e 5 gjërat filluan të bëhen të çuditshme në raport me linjën kohore pikërisht me ardhjen e tij, do të thonim që është më shumë një pjesë kyçe e historisë së Season 10. Gjithsesi çdo gjë mbetet për tu parë kur sezoni i ri i Fortnite të vijë në 1 gusht.