TFT Mobile do të vijë në Android dhe iOS
TFT Mobile do të vijë në Android dhe iOS
Nuk kemi dëgjuar shumë për versionin mobile të Teamfight Tactics, autobattler-it të League of Legends. Por, Riot Games zbuloi në mënyrë surprizë se versioni mobile do të vinte pas dy ditësh, në 19 mars në Android dhe iOS.
Lajmi i mirë është se loja do të ketë crossplay me PC dhe llogaria juaj do të jetë e njëjtë në të dyja platformat, ndaj çdo gjë që ju keni në PC do të vijë edhe në mobile.
Nëse nuk e njihni autobattler-in e Riot, Teamfight Tactics është një version i ri i Autochess i cili u bë shumë popullor. Ideja është të shpenzosh para për të blerë kampiona që i vendos në fushë dhe më pas ndeshen me ata të kundërshtarit. Por mënyra se si ti vendos të pozicionosh kampionat, cilët kampiona zgjedh dhe çdo gjë tjetër kanë shumë rëndësi dhe hyn në punë shumë strategjia.
Teamfight Tactics mobile është falas dhe do të vijë në Google Play dhe Apple App Store në 19 mars.