Team Secret rikthehet në CS:GO me 3 lojtarë kosovarë

juanflatroo, sinnopsyy dhe rigoN janë pjesë e ekipit të Team Secret

Team Secret është futur në skenën kompetitive të Counter-Strike: Global Offensive me një ekip të ri me shumë talent dhe potencial. Organizata ka blerë ekipin e m1x, i cili po bëhej mjaft i njohur kohët e fundit pas performancës së tyre mjaft të mirë në ECS.

Në këtë ekip bien në sy tre lojtarët shqiptarë, Flatron “juanflatroo” Halimi, Rigon “rigoN” Gashi dhe Dionis “sinnopsyy” Budeci. Pjesë e ekipit janë gjithashtu edhe Filip “tudsoN” Tudev dhe Guy “anarkez” Trachtman.

Në një deklaratë, CEO i Team Secret John Yao tha: “CS:GO është një lojë që e kemi eksploruar për 6 muaj dhe jemi shumë të lumtur që po prezantojmë një ekip të ri dhe premtues për të mbyllur vitin dhe për të filluar 2020. Edhe pse kanë kaluar vetëm pak kohë bashkë, ky ekip ka treguar potencialin për të qënë një prej më të mëdhenjve në skenë dhe ne meyi po presim që të rritemi“.

Ky ekip është padyshim premtues pas rezultateve të fundit, dhe do të jetë interesante të shohim se sa mirë mund të performojnë me mbështetjen e Team Secret.