Team Rumble playlist e Fortnite është ndryshuar fshehurazi

Team Rumble vendos dy skuadra me nga 20 lojtarë kundër njëra-tjetrës dhe ajo ka qenë një playlist e vazhdueshme në battle royale-in e Epic, që kur u lançua në 27 nëntor të 2018s.

Sado që mode-i është një mënyrë e shkëlqyer për ta luajtur Fortnite, pa patur nevojë që të kaloni procesin e ndeshjes me 100 lojtarë, kjo playlist duket se po fundoset nga një numër i madh ndryshimesh, që kanë acaruar lojtarët.

Në sezonet e mëparëshme, nëse një lojtar ikte nga një ndeshje e Team Rumble, vendi do të lihej bosh për pjesën e mbetur të betejës. Gjithsesi, lojtarët po inatosen, pasi tani këto vende boshe janë duke u mbushur nga mesi.

Në vend që të hidhen 40 lojtarë në lobby siç bëhet zakonisht, lojtarët që kërkojnë një ndeshje në Team Rumble playlist, tashmë kanë mundësi të futen në një lojë që është akoma në progres.

Duke u hedhur në atë çfarë mendonin se do të ishte një lojë e re, përdoruesi i Reddit ‘TheMightyWitcher’ u hodh në Slurpy Swamp teksa u fut direkt në mesin e një ndeshjeje.

Duke bërë land pa armë ose materiale building ata ishin dukshëm në disavantazh. Fatmirësisht ata mundën të siguronin një Supply Drop pak pasi filluan, por në momentin që u pajisën me një armë, skuadra kundërshtare kishte siguruar 45 eleminime.

Lojtarët që kanë pak më shumë eksperiencë mund ta shohin si një sfidë këtë situatë, por ajo mund të bëhet vërtet acaruese për pjesën tjetër. Një tjetër përdorues i Reddit konstatoi se e njejta gjë vazhdonte ti ndodhte edhe atij.

Epic Games ende nuk ka komentuar mbi situatën, ndaj nuk i dihet nëse të futurit në mes të lojës është ndonjë lloj veçorie akoma e panjoftuar apo ndonjë bug. Mbetet të shohim reagimin që do të ketë zhvilluesi për ta zbuluar.