Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
E3 po vjen akoma dhe më afër
Një prej eventeve më të mëdhenj të gaming, E3 2019, kthehet në Los Angeles në qershor. Ndërkohë që Sony dhe Electronic Arts po thyejnë traditën duke i shmangur konferencat e tyre, shfaqja ende pritet të jetë e mbushur me lajme dhe zbulime të reja. E3 është ende pak muaj larg, por kompanitë kanë filluar që tani të na japin më shumë detaje mbi eventet e tyre.
Në këtë postim do të keni mundësi të gjeni të gjitha datat e rëndësishme për E3 2019, deri në fillimin e tij në qershor.
Ndërkohë që E3 2019 do të zhvillohet zyrtarisht nga 11-13 qershor, eventet e lidhur me të fillojnë pak më herët, me EA që do të hapë siparin me anë të EA Play.
E premte, 7 qershor – Electronic Arts do të zhvillojë eventin e tij, EA Play në Hollywood Palladium. Pjesëmarrësit mund të luajnë lojëra ende të palançuara nga EA dhe të ndjekin prezantime. EA Play do të vazhdojë deri në 11 qershor.
E shtune, 8 qershor – Nintendo do të zhvillojë një tournament për eSports në Los Angeles. Super Smash Bros. Ultimate World Championship 2019 3v3 dhe Splatoon 2 World Championship 2019 do të zhvillohen në këtë datë.
E diel, 9 qershor – Bethesda do të zhvillojë konferencën e saj tradicionale në orën 01:30 me tonën. Nuk pritet të ketë lajme mbi The Elder Scrolls 6 ose Starfield
E hënë, 10 qershor – Ubisoft do të dalë para publikut në 10 qershor në orën 21:00 me tonën. Pak dihet mbi atë çka do të flasë Ubisoft, por ka zëra se do të zbulohet Watch Dogs 3
Reportazhi i famshëm mbi lojërat për PC, PC Gaming Show, pritet të kthehet në 10 qershor, edhe pse ende nuk ka një orë zyrtare.
E martë, 11 qershor – Nintendo zakonisht shfaq para publikut prezantimet e tyre të regjistruara më herët mëngjesin e së martës gjatë javës së E3. Në qoftë se historia përsëritet, mund të presim të njëjtën gjë të ndodhë sërish. Megjithatë, Nintendo ende nuk ka bërë një lajmërim zyrtar për Nintendo Direct E3.
11-13 qershor – Eskpozita e E3 2019 do të hapet nga 11-14 qershor. Si në 2 vitet e mëparshme, biletat për E3 2019 mund të blihen nga publiku
E panjohur – Shfaqja e Microsoft gjatë E3 2019 ndryshoi nga e hëna në drekë si zakonisht të dielën në mbrëmje, por kompania ende nuk ka lajmëruar për planet e saj për 2019. Ajo do të jetë pjesë e E3 dhe pritet të prezenca e tyre të jetë “më e madhe se kurrë“, sipas shefit të Xbox, Phil Spencer. Microsoft pritet të prezantojë konsolat e tij të reja dhe të na japë më shumë detaje mbi Halo Infinite gjatë E3 2019, por asgjë ende nuk është konfirmuar.
E3 2019 është viti i fundit që E3 është konfirmuar të zhvillohet në Los Angeles. Ka mundësi që shfaqja të lëvizë në 2020, por asgjë nuk është lajmëruar deri më tani. ESA, që organizon E3 çdo vit, i ka kërkuar Los Angeles Convention Center të përmirësojë strukturat e saj, ose përndryshe do të kërkojë diku tjetër për një skenë të re.
