Ndërkohë Apex Legends ka bazën më besnike të lojtarëve.
Ndërkohë Apex Legends ka bazën më besnike të lojtarëve.
Fortnite Battle Royale mund të jetë akoma duke shijuar popullaritetin e saj masiv, por të ardhurat e Epic Games janë shumë më të ulëta se vjet. Specifikisht, sipas një raporti nga analisti Edison Tech, të ardhurat e Fortnite kanë rënë me 52% në çerekun e dytë të 2019s, krahasuar me çerekun e dytë të 2018s.
Falë update-ve dhe eventeve të shumta, ku ndër to mund të përmendim Batman, Borderlands dhe Stranger Things, Fortnite pati një rritje të paparë në treg nga nëntori i 2017s deri në maj të 2018s, ku dhjetori i 2018s ishte pika më e lartë. Gjithsesi që atëherë ka parë vetëm ulje.
Edison Tech krahasoi Fortnite me lojërat e tjera battle royale si PUBG dhe Apex Legends dhe Call of Duty: Black Ops 4. Sipas të dhënave PUBG qëndron në statistika shumë më të stabilizuara se Fortnite. Që nga çereku i dytë i 2018s deri në çerekun e dytë të 2019s, shpenzimet brenda lojës në PUBG kanë rënë vetëm me 2%.
Ishte Apex Legends pastaj loja që kishte bazën më besnike të lojtarëve. 62% e lojtarëve të Apex Legends kanë bërë blerje të përsëritura në qershor dhe korrik të 2019s. Gjithsesi në rastin e Call of Duty: Black Ops 4 dhe PUBG shumica e fitimeve vijnë nga shitja e vetë lojës, pasi në dallim nga Fortnite dhe Apex Legends, ato nuk janë falas.