Tashme do të mund të masni suksesin tuaj në Solitare

Për ata që ende e luajnë…

Çuditemi pak për këtë lloj ndryshimi, pasi nuk mund ta kuptojmë tamam se kush mund ta ketë kërkuar, por Microsoft do të implementojë një leveling system në Solitare. Tipari i ri u njoftua gjatë këtij muaji dhe praktikisht do të mund të masni ecurinë tuaj në lojë e të merrni shpërblime për to.

Se si do të duket ky tipar kur të manifestohet në software ende nuk e dimë, por punonjësi i Microsoft Studios në trailer thotë se i drejtohet njerëzve që duan të ndjekin progresin e tyre në lojë dhe të shpërblehen për lojërat që luajnë në Solitare. Këtu përfshihet Solitare klasik, Freecell dhe dy lojëra të tjera të quajtura Pyramid dhe TriPeaks.

Nuk ja kemi idenë se cilat mund të jenë shpërblimet në fjalë, por të gjithë e dimë që Solitare nuk është loja më e mirë falas e Microsoft. Mund shumë mirë të fokusoheshin në rikthimin e një loje si Space Cadet 3D Pinball, por Microsoft i di vetë punët e tij. Ndërkohë shikoni trailerin e versionit të ri të Solitare më poshtë.