“Shkatërron të gjithë konkurencën.”
“Shkatërron të gjithë konkurencën.”
Janarin e shkuar Quentin Tarantino njoftoi se filmi i tij i dytë i preferuar i dekadës ishte Dunkirk i Christopher Nolan. Në një intervistë të rej regjizori i “Django Unchained” dhe “The Hateful Eight” vazhdoi të zbulonte më shumë për preferencat e tij, duke thënë se “The Social Network” nga David Fincher është sipas tij filmi më i mirë i dekadës.
“The Social Network edhe me duar të lidhura është No.1, sepse është filmi më i mirë nga të gjithë!! E thyen konkurencën në çdo krahasim të mundshëm,” tha Tarantino.
Në fakt ai e komplimetoi shumë skenaristin e filmit, Aaron Sorkin, duke thënë se “ai është më i miri në shkrimin e dialogjeve”. The Social Network është nominuar për tetë çmime Oscar në 2010, duke fituar tre prej tyre.
Kjo nuk është hera e parë që mendja krijuese pas PulpFiction ka vënë në kult filmat e Fincher, teksa ai ka përfshirë edhe “Fight Club” si një ndër filmat më të mirë për periudhën e 1992-2009.
Për mendimin tim personal Fight Club është pak i mbivlerësuar si film, por nëse Tarantino thotë që është i mirë, do ja besojmë fjalën.