Tani mund të shikoni se sa para keni harxhuar në League of Legends

Kjo do të jetë pak e dhimbshme për lojtarët e vjetër

Riot Games ka sjellë një website që ju lejon të shikoni ekzaktësisht se sa para keni harxhuar në account-in tuaj të League of Legends.

Nëse jeni nga ata lojtarët që e kanë hapur adresën këtu e sa vite përpara, mund të jetë vërtetë e dhimbshme të shikoni të gjitha paratë që keni shpenzuar në total dhe të mendoni të gjitha gjërat e tjera që mund të kishin bërë me ato lekë.

Për ju që doni ta provoni fatin, klikoni linkun këtu. Nga ajo pikë e tutje, thjesht duhet të bëni sign in në adresën tuaj dhe pastaj të shtypni butonin e madh “Show Me The Money”.

Njerëzit në Reddit kanë filluar të qajnë hallet me njëri-tjetrin mbi të gjitha shumat masive të parave që kanë shpennzuar në skins, Little Legends dhe gjëra të tjera përmes account-it të tyre. Është pak e frikshme po ta mendosh, që Riot mund thjesht ta djegi një account për punë sekondash, duke hequr në të njejtën kohë të gjitha gjërat mbi të cilat keni harxhuar lekët gjithë këto kohë.

Gjithsesi, në fund të ditës morali është që të shpenzoni me mend në kokë dhe ta kontrolloni veten në të ardhmen.