Epic Games ka ofruar një lojë dhe një expansion falas këtë javë
Epic Games ka ofruar një lojë dhe një expansion falas këtë javë
Këtë javë Epic ka ofruar një lojë tjetër falas për t’iu bërë juve të përdorni launcher-in e tij dhe këtë javë është diçka mjaft interesante. Surviving Mars është tashmë falas në Epic Games Store, siç u premtua pas lançimit të lojës pasardhëse, Surviving the Apocalypse. Loja vjen së bashku me DLC-në e parë.
Mund të merrni Surviving Mars falas nëpërmjet faqes së saj në dyqan. Si gjithmonë loja është tërësisht falas dhe do të shtohet menjëherë në listën tuaj. Ndërkohë, mund të merrni dhe DLC-në Space Race falas, e cla ka një çmim prej $12.99.
Mysteries Resupply Pack është gjithashtu falas, siç ka qënë gjithmonë, por dhe DLC tjetër e lojës është në ulje, nga 15% deri në 33%. Një çmim aspak i keq nëse doni koleksionin e plotë.
Javën tjetër Epic Games Store do të japë sërish dy lojëra. Kemi lojën cyberpunk horror Observer së bashku me një spin-off nga Remedy, Alan Wake’s American Nightmare, dy lojëra shumë të mira për t’ju futur në atmosferën e Halloween.